“सोशल मीडिया वरील रिलेशनशीपचें काही खरे नाही! त्यावर विश्वास ठेवता येत नाही. प्रत्यक्ष कुठे कधी भेटतो का आपण?” – हे आपण नेहमीच ऐकतो ना? पण अशाच एका सोशल मीडीयावर आम्ही एक कंपनी स्थापन केली आणि एकमेकांना पूर्णपणे अनोळखी अशा पावणे दोनशे लोकांनी 1 कोटी रुपयांचे कॅपीटल उभे करून एका महत्वाकांक्षी व्यवसायाला सुरूवात केली असे सांगीतले तर तुमचा विश्वास बसेल का?
ही गोष्ट आहें आषाढी व्हेंचर्सची. जगातील पहिली आणि एकमेव सोशल स्टार्टअप जीचा DNA च सोशल आहें. आणि ही १००% मराठी सोशल स्टार्टअप आहे!
“सोशल स्टार्टअप” ही एक अभिनव संकल्पना आहे. कोरा मराठीच्या मंचावर “Quora सारख्या सामाजिक मंचाचा वापर करून स्टार्टअप शक्य आहे का?” ह्या प्रश्नाच्या उत्तरात “सोशल स्टार्टअपच्या” अनुषंगाने ही कल्पना मांडली गेली. सदर उत्तरावर अनेक सकारात्मक प्रतिसाद मिळाले आणि ही कल्पना आकारास येत गेली. “सोशल स्टार्टअप” ही आषाढी व्हेंचर्सच्या प्रवर्तकांनी जन्माला घातलेली एक अभिनव संकल्पना आहे. हे सोशल वर्क नाही की ही सामाजिक संस्था नाही. इथे आम्ही सोशल कॅपिटल, सोशल एक्सपरीमेंट, सोशल इनोव्हेशन आणि सोशल रिटर्न्स ह्या विषयांवर काम करतो. मुळात सोशल एंटरप्रेनरशीप म्हणजे नक्की काय हे तुम्ही विकीपिडीया वर वाचूच शकता. थोडक्यात समविचारी लोकांनी एकत्र येऊन आपला वेळ आणि रिसोर्सेस शेअर करून काहीतरी अधिकाधिका लोकांपर्यंत पोहोचेल असे समावेशक करून दाखवायचे असा हा कंसेप्ट असतो…
मुळात पूर्ण व्यावसाईक संकल्पना म्हटली की केवळ पैसे कमवणे हाच उद्देश असतो. जे आपण सारे आपापल्या नोकरी धंद्यामधे करतच असतो. होते काय की, पैशाच्या मागे नकळतपणे पळत असताना जगायचे राहून जाते. हा अनुभव थोड्याफार फरकाने सर्वांनाच येतो. आषाढीमधे आज उच्चपदस्थ अधिकारी व गृहीणी दोन्ही वर्गातील लोक आहेत. पण “जगायचे राहून जाते” हे कॉमन आहे. .. पण म्हणजे नक्की काय हे कुणालाच माहित नाही. आपण सारे जगतोय की! आणि आनंदात जगतोय. आपापल्या पातळीवर काही ना काही करून आपापली स्वप्ने कमी-जास्त प्रमाणात साकारतोय आणि पुढची पिढी देखील घडवतोय.. पण तरी एक हुरहुर आहे पहा.. एक काहीतरी मिसींग आहे… सुख? समाधान? धमाल? एंगेजमेंट? .. नाही हो.. ह्या ओव्हररेटेड शब्दांच्या मागे लागण्यात काही अर्थ नाही.. एकच गोष्ट मिसींग आहे.. पॅशन! सॉरी ह्याला समर्कप मराठी शब्द नाही मिळाला.. पण हे मिसींग आहे.. आपण नोकरी, धंदा व्यवसाय जे पण काही करतोय आणि “पैसा” एकमेव उद्दीष्ट ह्यात पॅशन हरवून बसलोय… आणि आपल्याला पॅशन जपायचे स्वातंत्र्य नाहीये..
हे आम्हाला आषाढी व्हेंचर्स मधे करायचे आहे. मुळात निर्मिती सारखा आनंद नाही! काहीतरी बनवता यायला हवे आणि ते अनेक लोकांपर्यंत पोचवता यायला हवे. अहो साधे पापड करून विकायचे ह्यामधे लिज्जत पापड सारखी हजारो कोटी रूपयांची सोशल एंटरप्रेनरशीप आहेच की. तेव्हा तुम्ही नक्की काय करता ह्याला फार महत्व नाही. ते किती जणांपर्यंत प्रभावीपणे पोचवता ह्यातील पॅशन, कनेक्शन्स आणि हा साराच अनुभव धमाल आहे.. खूप सजीव आहे..
स्टार्टअप ही “केवळ” पैसे कमवायची संधी नाही. हा तुम्ही तुमचा घेतलेला शोध आहे. काय आहे तुमच्यात ते पडताळण्याची एक संधी. तुमची पॅशन फॉलो करायची एक संधी. अशा प्रकारची संधी आणि ते साकारायची यंत्रणा करायला खर्च येतोच. पण हा डोनेशन्स मधून येऊन उपयोगी नाही. हा आपणच उभा करायचा. म्हणून हे कंपनीचे स्वरूप आणि शेअरहोल्डींग. “आषाढी व्हेंचर्स” चे ३ वर्षात म्हणजे १००० दिवसात १००० सभासद आणि १ कोटी रुपयाचे कॅपिटल उभे करायचे टारगेट आहे. ह्यातून आम्हाला “गावरान” नावाच्या एका “रुरल ऍमेझॉन” ला जन्म द्यायचाय.. अशा वेड्या पॅशन्स चा पाठलाग करून आयुष्य अनोख्या अनुभवांनी सजवायचे असेल तर आजच आमच्या बरोबर सामील व्हा..